以下是Sky Sir 友好：棋亮撰文
恒大（3333）繼續走進死亡漩渦，整系也被市場拋售，相關個股恒騰（136）、恒大物業（6666）、恒大汽車（708），以至投資了其股票或是債權的華置（127）及利福（1212）都受壓，但午市後錄得反彈。因為全系的主角彈極都彈唔起，又未到free falling式，沒買盤的下跌，所以昨日沒博過。
恒大汽車算是詛咒，加上燒錢甚快，成為催命符，吹噓咗耐，車都未砌到出黎，避之則吉。做平台的恒騰早前柯利明接多左手貨，佔兩成多，加上仲有騰迅（700）做股東，如果大散五成以上，可以博吓。至於恒大物業（6666）就有點尷尬，如果恒大賣樓速度大幅放緩，應該會影響到恒大物業，係一個問號，要去到兩三蚊先夠值博率，這些價，同行都應該會有興趣買。
華置盤數撇哂恒大相關利益，大約仲有五六蚊左右既物業，但市場慣左純收租股係大折讓，再加上管理層昨風無得估，所以到恒大物業一樣，有跌樓價先會諗。反而利福佔比細得多，佢哋未來同通唔通到關，有幾多旅客會回來香港關係較大，而且半個對手DONKI分店愈開愈多，也削弱左佢部分百貨業務的競爭力。
昨天北水狂沽騰迅40億左右，但企鵝都守得住，港股正醞釀一波反彈浪。
棋亮執筆
（持牌人士，沒有持有上述股票）
Search